Home

Neys vom Daag

Aggduelli Mitdailige

aggdualisiert
14.06.2017
Glygge-Grimpeli 14.06.2017  

Am Wuchenänd isch wiider Glygge-Grimpeli uf dr Schitzematte. Die Junge händ iiri Samschtigs-Grubbe-Spiil am 12:00, 13:00, 13:40 und 14:40. Und dr gmischti Stamm am 12:00, 13:00, 15:00, 16:00 und 16:40. Wär nit sälber schuttet, kunnt ko fääne.

Mer wintsche baide Mannschafte vyyl Erfolg und wenn si – hoffedlig – wyter kemme, denn e wyteren Yysatz am Sunntig!

Källerdienscht 13.06.2017  

Fir das wytumme beliebte Thema git s jetz im Mitgliiderberyych wiider e Syte mit allen Aagoobe und em Lingg zem Yysatzblaan.

Resuldaat vo dr Generalversammlig 11.06.2017  

Doo e baar wichtigi Ergääbnis vo dr GV:

- D Vanessa isch die ney Vizeobfrau, dr Räscht vom Vorstand isch unveränderet.

- Dr Inschdruggdoorebyydrag sich von 90.– uf 50.– reduziert woorde.

- Mer bikemmen e Standarte (joo, dä Punggt isch jetz noo gfyylte 25 Joor syt em eerschtmooligen Aadrag äändlig aagnoo woorde).

- D Senioore, wo s syt dr Fusion vo de Schwlger mit der Alte Garde nimmi git, sind us unsere Statute gstriche.

Generalversammlig 07.06.2017  

Am Frytig isch GV (Diireffnig isch am siibeni, aafoo duet s offiziell am achti). D Yylaadig und Byylaage wie au d Protokoll vo de letschte GVs findsch im Mitgliiderberyych.

Duubeschlag-Homepage 04.06.2017  

Die ney Homepage vom Duubeschlag isch online. Lueg uf www.duubeschlag.ch.

Neys vo de Spiilsitzige 30.04.2017  

Dambuurechef isch ney dr Claude, är wäggslet s Amt mit em neye Stellverdrätter Michi.

Pfyffercheffin blybt d Patricia, neyi Stellverdrätterin isch d Selina (d Vanessa het anderwyttigi Ambitionne, doodrzue erfaare mer im Juni mee).

Mer händ e neyi Pfyfferinschdruggdere: D Maya Burtscher – Häärzlig Willkumme!

Es git kai neye Maarsch, mer nutze s Joor, zem s aggduell Répertoire z schlyffe.

Spiilsitzige 11.04.2017  

Am Mittwuch noo den Ooschtere staarte mer in die ney Saison. Am achti zoobe sind d Pfyffer- und Dambuuresitzigen im Käller. D Iebigsstunde feen denn e Wuche speeter aa.

Erfolgryychy Lastminute 02.04.2017  

D Aggtioon Lastminute Fasnacht isch au Disjoor erfolgryych gsii, grad esoo, ass fasnacht.ch driiber brichtet het.

Bummelzyt 17.03.2017  

Am 2. Sunntig isch die Jung Garden underwäggs. Y waiss nooni gnau, wenn si die Frey Strooss druab kemme, alli Fäns sind drum um die säggsi baraat. Update: Si kemme ca. am siibeni!

Dr Stamm isch denn am 3. Sunntig draa. Besammlig sich scho am viertel vor nyyni. Achtung! Sälle Sunntig isch au grad no d Umstellig uf Summerzyt! Ca. am siibeni mache denn au mir d Paraaden in d Stadt.