Mitdailige us em Joor 2003
|
aggdualisiert 31.12.2003
|
Ergääbnis vo dr Sujet-GV |
23.11.2003 |
An dr Sujet-GV hämmer unser Sujet fir die näggschti Fasnacht erfaare. Es haisst .... (das saage mer doo nadyyrlig nooni).
Was mer aaber jetz scho deerfe saage: Als Zugcheffin isch d Andrea wiidergwäält woorde. Bim Dambuurmajor isch, will dr Urs noochdräglig zweeni sicher isch, ep är an dr Fasnacht doo isch, dr Stephan yygsprunge.
|
Neys vo dr Homepage |
23.11.2003 |
Wie me gseet, isch unseri Homepage ney uffgmacht woorde. S Meedieteam het im Hindergrund alles uffgaarbaitet und isch jetz draa, dr Inhalt vom Archyyv yyzdeggele. Bald wird me mee gsee.
|
Mr hänn s gschafft |
20.10.2003 |
Am 16. Oggdoober 2003 isch dr langi Marsch dur d Ämter ändlig fertig gsii. D Baubewilligung und doodrmit d Baizebewilligung fir unsere neye Käller sinn duure. Juppyyy!
|
E neye Pfyffer-Inschdruggder? |
20.10.2003 |
D Pfyffer sueche-n-ab näggschter Saison e neye Pfyffer-Inschdruggder. Wär sich intressiert oder epper waiss, wo sich allefalls intressiert, mäldet das am beschte grad dr Pfyffercheffin Brigitte.
|
Sujet-GV |
20.10.2003 |
Am Mittwuch isch wiider Sujet-GV, dismool nadyyrlig im neye Käller. D Iebigshtunde heere scho am Nyyni uff und denn pilgere mer iibere, um ändlig z erfaare, was unser Sujet an dr Fasnacht 2004 wird syy.
|
Ändlig wiider e-n-aggduelli Homepage! |
12.08.2003 |
Dr Kaländer isch uff em neyschte Stand und uff dr Kontaggd-Sytte isch dr ney Vorstand uffgfiert.
|
Niuus us em Käller |
12.08.2003 |
D Bau-Abnaam isch fascht fertig. Fir e besseri Liftig hämmer e-n-Offerte bstellt.
Bis zue de Heerbschtfeerie schmaisst d Susy dr Laade, drnoo iibernimmt d Nicole s Szepter.
|
D Feerie sinn umme |
12.08.2003 |
Ab moorn goot s drotz dr Hitz wytter mit de Drummel- und Pfyffer-Stunde. Je pinggtliger me-n-aafoot, deschto friener kamme nochhär e kiels Bier oder e Schliggli Wysse go gniesse ...
|
Iebigs-Programm |
12.08.2003 |
Unsere unermiedlig Drummelinschdruggder Nicola het uff dr Dybli-Dambuure-Homepage jeewyls s aggduelle Iebigsprogramm baraat. Wär ussnamswyys fäält (Abmälde nit vergässe), dä het jetz also kai Ussreed me, wenn er dehaim nit duet iebe...
|
Dr Hans Räber isch gstoorbe |
17.02.2003 |
Am letschte Fryttig zoobe isch unsere Grinder und Eeremitgliid Hans Räber am MEO im Byysyy vo syyne Fasnachtsfrind gstoorbe.
Mir Basler Dybli druure-n-alli um dä groossi Verluscht und mechte im Hans syyne-n-Aagheerige, Verwandte-n-und Frind unser Byylaid uusspräche.
|
Neye Kaländer |
17.02.2003 |
Ändlig git s wiider e-n-aggduelle Kaländer. S Fasnachtsprogramm 2003 isch separaat uffruefbaar.
|
Dr Glygge-Käller nimmt Form aa |
17.02.2003 |
Dr Umbau vom neye Käller isch fasch abgschlosse. Dangg dr groosse Mithilf vo fascht alle kenne mer am Fryttig, 21. Hoornig, zer Ereffnig schrytte.
E detaillierte Bricht vom Umbau (mit Fottene) kunnt bald.
|
|
|