Basler Dybli Stamm – Fasnacht 2014
in dubio pro psychopathico – S macht mi hässig!
D Gedangge sind frey, wär kaa si erroote,
si fliege verbyy, grad soo, wie si groote.
Kai Mensch kaa si wisse,
kai Richter verschliesse.
Es isch drum nit ney: D Gedangge sind frey!
|
Y dängg, was y will, und was my begliggt,
das alles im Hiirni, au wenn sich s nit schiggt,
My Wunsch, my Begeere,
kaa niemerts verweere.
E Hiirni wie Brey, doch d Gedangge sind frey!
|
|
| |
 |
Im Ooberstiibli kaan e jeede
d Gedangge frey lo umme schwääbe
und syyni Fantasyyen eebe
uf die Aart viirtuell erlääbe.
|
Eb scheen, eb grass, eb iibermietig,
eb fyyn, eb gwaltig, s isch egaal,
eb fiecht, eb bluetig, dunggel, wietig,
e jeede het sy freyi Waal:
|
Theerapeytin
|
Fräch syy ooder gruusig flueche,
haimlig eppis Nätts stybytze,
mit andere dr Stryt go sueche,
derbyy aim grad dr Buuch uffschlitze?
|
Sich perväärsi Glischt erfille,
pädophyyl e Bueb verfiere,
e Frau draanää, geeg iire Wille,
und si aalglatt abserviere?
|
Wie gsait, im Kopf isch daas erlaubt,
au wemme s nit goutiere wott,
doch jeede waiss, ass iiberhaupt
me daas nit wiirgglig mache sott.
|
|
|
 |
Fir die maischten isch das loogisch,
do bruucht s nit mool e Gsetz dergeege,
doch git s e baar, wo phatholoogisch
sich aifach nit draa halte meege.
|
E soo ain stellt me voor e Gricht,
wo briefft, was isch denn gnau bassiert,
und isch er s gsii, dä Beesewicht,
wird äär in d Kischten abserviert.
|
Schielere
|
Doch gilt: «in dubio pro reo»
wenn d Bewyys mool nit ganz länge,
im Zwyyfel lieber ai Schelm mee lo
springen als e Lätze z hängge.
|
Und wie lang goot s, wo aine hoggt?
Daas hänggt ab vo syyner Schuld,
wie schwär s Deliggt, won äär verboggt
het und wie guet er s Gricht yylullt:
|
Er haig e schwääri Kindhait ghaa,
sy Frau haig iin doch grad verlosse,
er käämi z lyycht an Drooge draa
und syyg ganz generell verdrosse.
|
|
|
 |
Das alles kaa sy Strooff rächt drugge,
au wemme s nit ganz mecht verstoo,
doch soo isch s Gsetz, das miemmer schlugge
und iin friener uuse loo.
|
Aaber miesst me sich nit frooge:
Hett mit dr Strooff dä Schuft s jetz tscheggt?
Soll me d Entlassig wiirgglig wooge
und hoffen, ass es nit verreggt?
|
Ex-Gspuusi
|
D Justitia duet drum au brieffe,
eb soo ain eewig gfäärlig blybt,
eb er grangghaft uff e schieffe
Wääg koo isch und s wyter drybt.
|
So sind au immer Psycholooge
mit Äxpärtyyse schnäll derbyy
und diend sich grindlig hinderfrooge:
Bruucht dä ächtscht e Theerapyy?
|
Heyjoo! Dä Aarm, dä miemmer pflääge,
iin understitzen und verstoo,
s Gueten in sym Wääse hääge
und iin sy Freyhait iebe loo!
|
|
|
 |
S Guetmenschedum het offebaar
im Strooffvollzuug en Iibergwicht,
d Bedreyigsinduschdryy, s isch glaar,
schyycht dr Yykommens-Verzicht.
|
Drum losst me ganz «in dubio
pro psychopathico» ain uuse,
me glaubt, me haigs in Griff bikoo
und kaa säälig wyters pfuuse.
|
Schuggermyysli
|
Isch ain e rächte Psychopaath,
denn spiilt er scheen das Spiili mit,
git sich ghailt und glyy baraat
fir die eerschte freye Schritt.
|
Denn die moodrige Gedangge
in sym Kopf kaa niemerts wisse,
aartig duet är sich bedangge
und het die näggschti uf em Gwisse.
|
Halt! Drum händ mir doch emool
abgstimmt, ass me Psychopaathe
lääbenslang verwaare soll
statt uff die näggschti Schanddaat z waarte.
|
|
|
 |
Doch laider, s isch dernääbe soo,
duet sich d Justitia em heere
Grundsatz vo «in dubio»
drotz Vollgsbeschluss nit rächt verweere.
|
Bar-Myggeli
|
Hesch gmeergt, bis jetze hämmer immer
numme vo däm Dääter greedet,
doch s Opfer blybt, find ych vyl schlimmer,
entfiert, vergwaltigt ooder deetet.
|
Sy Lääben isch und blybt zersteert,
doch dr Psychopaath, s isch gspässig,
wird ghägt und pflägt, blybt unverseert.
Soll das rächt syy? S macht mi hässig!
|
|
|
Doo kaa me theerapeytischi Kunschtwäärgg vo yygflaischte Fasnachtspsychopaathe bestuune:
|
Departemänt Mooltheerapyy
D Ladäärnenuusstellig am Zyschtig uf em
Minschterblatz
Abdailig gschitzti Wäärggstatt
D Wäägen und Reggwisytten am Zyschtig
bi dr Kasäärne
|
Theerapyysitzig "Von der Seele schreiben"
D Zeedellääseten am Sunntig noo dr Fasnacht
uf dr Baseldytsche Biini
Sälbschthilfegrubbe "Basler Dybli"
Theerapiert sich sälber s Joor duure mit reegel-
mässige Dräffe zer Drummel- und Pfyfftheerapyy
|
|
