letschti Änderig: 2014-05-30 22:56:23 +0200
Home   

Vo vergangene Zytte

Linie
AGGDUELL KALÄNDER KONTAGGD ZYTTIG ARCHYYV MITMACHE
Linie
STAMM JUNGI GARDE SCHWELGER ALTI GARDE KÄLLER MITGLIIDER
Linie

 Ans Ändi
     

E Bindel Basler Dybli Fasnachts-Zeedel

Iiberbligg
Status
 
Ummeblettere
Gumbb zeerscht in e Joor!
 
Gumbb in s Joor ...
2014   2013   2012
2011   2010   2009
2008   2007   2006
2005   2004   2003
2002   2001   2000
1999   1998   1997
1996   1995   1994
1993   1992   1991
1990   1989   1988
1987   1986   1985
1984   1983   1982
1981   1980   1979
1978   1977   1976
1975   1974   1973
1972   1971   1970
1969   1968   1967
1966   1965   1964

Basler Dybli Schwelger – Fasnacht 2013

zämme mit de Sunnereedli 1987


Schwelger Fasnacht,
alles andere ist Beilage

oder

Gniesses mit Swissness

Du meinsch, e rächte Schwyzer z si?
Denn lueg emoll in Di sälber dry!

Isch nit d' Mamme vom Babbe verwandt mit de Lappe
und dr Babbe vo dr Mamme, e Ungar, e Gladde?
Und dr Maa vo dr Dante isch heimlig, verstohle
über die grieni Gränze ko uss Poole?
Dängg au ans Gschiss vo Dym Unggle
mit dr badische Gudrun im Dunggle.
Druss uuse isch denn dr Klaus-Dieter ko,
Dy dütsche Cousin – au das ka vorko!
Dr Gottlieb het doch nüünzähzwanzig
sy Irma ghürote, e Meitli us Danzig.
Und dr Armin het denn nüünzähdryssig
gfunde d'Fraue im Elsass sin so flyssig.

Wie mit Dir, goots mit de Produggt.
So dunggt uns das halt scho verruggt,
was druff stoht, isch nit immer dinn –
es isch e bitz, wie bi de Brieder Grimm!
Fürs Marketing miech das halt Sinn
und gläbberet in d'Kasse dütlig meh Gwinn!

Im Ganzen isch es denn scho truurig
Und eergeret ys wirgglig schuurig,
wenns Schwyzer Sackmässer duet uss China ko
und e Uhrwärk uss Taiwan am Morgestraich vieri schloh.
Griegsch Schwyzerkääs uss em färne Sardinie
und s Fleisch vo de Bündner kunnt uss Argentinie.
(Kei Wunder kunnt dr Merz ins Stottere,
wenn unseri urschwyzer Wärt dien verlottere!)

Sogar dr Willy Tell, dä Knüller,
isch gschriebe vom DÜTSCHE Schiller,
und d'Basler Läggerli, die Pracht,
wärde vonere Zürchere gmacht!

Wo Schwyz druff stoht, isch Schwyz nit immer dinn.
Do kunnt uns doch grad d Schwyzer Nazi in Sinn:
Die goldigschte Fiessli heisse nümm Odermatt, Kuhn oder Müller,
nei, dr Xhaka, Shaqiri, Dzemaili sinn unseri Knüller!
Mit Schwyzerkrüz uf dr Bruscht, ganz ohni Luscht,
singe sy wortlos d Nazi-Hymne, es isch e Fruscht!

Wenn mr in d Swissness scho die ganzi Wält integriere,
wärs jetzt au Zyt, mit de Rambasse z fusioniere!
E Fusion die kääm uns wirkligg grad gläge
und mir hätte do überhaupt nüt drgäge.

Au mir Schwelger sinn gmischt, und das fascht global –
nur Basler als Schwelger, das wär doch banal.
E Hampfle vo uns sinn z Thärwil dehei,
z Muttenz, z Rynach und z Münchestai.

Mir wohne vo Schöönebuech bis Amerika,
drum, e Fusion, die fände mir ganz prima!
Mit eme schwarze Baslerstab am Kaare
würde mir alli viel lieber ummefahre!

Drum: D'Moral vo däm Zeedel isch:
S'isch ALLES e bitz Vogel UND Fisch!
D Ladäärne-Uusstellig uff em Minschterplatz und
d Waage- und Reggwisyte-Uusstellig bi dr Kasäärne
sin vom Määntig znacht bis am Mittwuch demoorge!

D Sunnereedli, wo mir verteile, loos,
sin vo dr Beggerei Schneider an dr Clarastross.
 An Aafang

(C) 2002-2014 Basler Dybli Glygge