Ummeblettere |
Gumbb zeerscht in e Joor! |
|
Doo findsch e-n-Iiberbligg iiber das, was s Archyyv-Team underdesse scho zämmedrait und eleggroonisch uffberaitet het.
Wenn Du eppis gseesch, wo nit stimmt oder wo no fäält, drnoo mäld das bitte im Archyyv-Team, damit mer s korrigiere bzw. ergänze kenne.
Bi de Sujet mechte mer e-n-Iiberbligg iiber dr Sujetnamme und iiber d Darstellig im Zuug (uffdailt no de drey Grubbierige und em Tambourmajor). Het epper ächtsch gar no e-n-alte Rädäbäng, wo mer s druss kenne-n-iibernää? Intressant sinn nadyyrlig au Aagoobe zem Bummel.
Bim Drummeli simmer ainigermasse à jour, was d Uffdritt in dr Mäss (ab 1993) bedrifft. Was isch aber friener gsii im Kiechli? Wär waiss doo no eppis?
Fotteli: Ze jeedem Joor sueche mer e baar repräsentadyyvi Bildli, wo me d Ladäärne-n-und dr Zuug gseet. Au andri Aaläss (Bummel, Dybli-Oobe, Weekend, Summerplausch etc.) mechte mer feschthalte.
D Zeedel aigne sich guet fir uff d Homepage, will si maischtens numme Täggscht hänn. Me soll online in de-n-alte Zytte kenne schmeeggere ... Aber es fääle noo-n-e Huffe, v.a. uss de-n-Aafäng. Wär het no aine in syyne-n-Unterlaage?
Au d Dybli-Zyttig soll uff d Homepage. D Joor vor 1992 fääle uns no. Het epper no die alte-n-Ussgoobe?
Wär no Unterlaage (nit numme das, wo do oobe beschriibe-n-isch, au alles anderi isch interessant: Protokoll, Mitgliider-Lyschte, Rundschryybe, Reglemänt ....) het, mecht die uns doch bitte zer Verfiegig stelle. Sälbverschtändlig schigge mer si sofort zrugg, sobald mer si kopiert bzw. yygscannt hänn.
|