| Ummeblettere |
| Gumbb zeerscht in e Joor! |
|
Basler Dybli Stamm – Fasnacht 2011
Kai zindendi Ydee
D Meedie sinn hit voll drvoo,
ass immer mee in d Schwyz wänn koo
und doo sich denn statt z integriere
halt au drnääbe dien ufffiere:
D Schwoobe dääte d Stelle bsetze
und d Schwyzer noodisnoo ersetze.
D Asylante dääte dyyle
statt braav in iire Haim z verwyyle.
D Zygyyner dääte-n-alli klaue
und iiber d Gränze zrugg abhaue.
D Balkaanier dääte-n-als wie mee
ummeraase-n-im BMW.
D Moslems dääte-n-iiri Fraue
verschleyere-n-und au verhaue.
D Russe syyge mafiees
und ainewääg ganz fyys und bees.
Und alli wuurde bschysse, liege,
zem ungrächtfertigt IV z griege.
Drzue kunnt no – ojeemynee –
s wäärde-n-all Joor als wie mee.
Bi soonige Bricht und no vyyl schlimmere
muess es jeedem Schwyzer schimmere,
mir hänn doo, und zwoor extreem,
e grooss Migratioons-Probleem.
Die Sicht kunnt eenter scho vo rächts
und zaigt uns numme-n-Allerschlächts
vo linggs gsee isch – muesch konschtatiere –
die Yysicht glatt z relativiere:
Schwaarzi Schoof git s unverdrosse
au under unsre-n-Aidgenosse.
Die Fremde, wo ze uns dien zieh,
gänn sich maischtens alli Mieh
zem sich bi uns rächt z integriere
fir ass mir alli profitiere:
Multi-Kulti isch nit drnääbe,
duet unseri Kultuur belääbe,
und d Vermischig vo de Geen
isch gääge-n-Inzucht au ganz scheen.
Dräggaarbet, wo kai Schwyzer miech,
macht e-n-ussländische-n-aarme Siech,
und eerscht no – s isch e rächte Hoon –
fir e blamaabel Hungerloon.
Und alli dien – wie mir mit Quaale –
braav au iiri Styyre zaale.
Me sott die Fremde ooni z gnaisse
drum bi uns willkumme haisse.
Git s linggs und rächts, denn wiird gstritte
und uff em Theema ummegritte.
Parteystrateege hänn glyy tscheggt
ass d Migratioon s Volgg biweggt,
s wird drum, me wird soo profiliert,
scho wiider e-n-Initiadyyve lanciert:
Minarett- und Burkaverbott,
ass jeede-n-in e Dytschkuurs sott.
Fir alli s Stimmrächt wär nit schlächt,
und jeedem glyy sy Buurgerrächt.
Soo vyyl Fremdi sinn nit toll
unser Boot isch iibervoll.
Rassismus losst aim d Seel verrotte
dä gheert drum dodaal verbotte.
Vyyl het me scho brobiert und mee
wird no koo, de wiirdsch es gsee,
me bikunnt drum glyy dr Yydrugg,
s gieng weeder voorwärts, weeder zrugg,
iirgendwie fäält aimool mee
uns die zindendi Ydee,
drum wäärde mir au näggscht Joor no
huffewyys zem Stimme goo.
Yyhaimischi und ussländischi Gescht geen
am Zyschtig alli uff e Minschterblatz an
d Ladäärnenuusstellig und in d Kasäärne
zer Waage-n-und Reggwisytte-Uusstellig
Und jetz baschtle mer no unsri aigeni Ussländer-Initiadyyve:
 |
Basler Dybli Glygge
Clique Pigeons de Bâle
Banda Piccioni di Basilea
Clicca Culombs di Basilea
|
1 |
Stimmzeedel fir e zindendi Ydee |
Wänn Si d Initiadyyve
.......................................
aanää? |
Antwort "Jä" oder "Nai"
------------------------------ |
|
|
