| Ummeblettere |
| Gumbb zeerscht in e Joor! |
|
Dr Zyschtig het mit dr "1. Basler Dybli Gipfeli-Tour" aagfange. Dr relevanti Uuszuug uff dr Yylaadig zue dääre neye Draditioon isch:
Es git zwai Bedingige, wenn wottsch mitkoh:
Eb Pfyffer, Dambuur oder Vorträbler, Männli oder Wyybli,
jung oder alt ... Du hesch e Goschdyym aa!
Und s' wichtigschte: Du muesch e Gipfeli mitbringe!
S Probleem isch ainzig, ass me scho am zwelfi demoorge het miesse-n-yydruudle. Aber das isch e wunderbari Erfaarig, wil me denn s Erwache vo dr Fasnacht in dr Stadt ka miterlääbe. Und wil mer zue de Gipfeli au no e Kaffi hänn gsponsert bikoo, isch es eerscht rächt nimm so schlimm gsii. Und au sunscht hämmer dr Zyschtig wie immer mit freyem Gässle bis in die frieschte Moorgestund yyne gnosse.
|
