Ummeblettere |
Gumbb zeerscht in e Joor! |
|
Ändlig, s het uffgheere schneye! Das haisst, mindeschtens, bis mer die eerscht Rundi uff em Cortège zooge hänn. Die baar Schneefleggli hänn sich aber glyy verflissigt und sinn nootloos in Rääge-n-iibergange, wo uns bis zem Ändstraich beglaitet het. Entsprächend het s nit numme-n-uff dr Strooss, sondern au uff unsere Schue und Goschdyym-Hoosebai uusgsee ...
Aber e richtige Fasnächtler losst sich s nit vermyyse, und esoo hämmer dr Cortège-Stau-Fruscht mit em ghaime-n-Innelääbe vo unserem Reggwisyt kenne-n-iiberwinde. Unsere BBQ-Chef het fascht jeedi Pause-n-alli Händ voll z due ghaa und uns bewiirtet.
Vyl z schnäll isch denn scho dr groossi Monschtermaarsch/Umdrungg aagsait gsii und noo-n-e baar letschte Runde-n-im Bermuda-Dreyegg isch au d Fasnacht 2006 laider umme gsii.
|