Ummeblettere |
Gumbb zeerscht in e Joor! |
|
Am 11./12. Novämber sinn d Dybli uff Seewe-n-in e Trainings-Weekend zem dr Drummeli-Marsch go z schlyffe. Zwai Daag lang hämmer nit numme pfyffe-n-und drummlet, sondern au gsunge, gräbbt und danzt ("s ayeelelet dr Lion im Freybier", oder so äänlig ...). Zoobe-n-isch dr Glygge s Sujet 2007 vorgstellt woorde-n-und die alljäärlig Waal vom Zugchef und vom Dambuurmajor iiber d Biini. Dangg ere super Kuchimannschaft und im Nicola sym neye Karaoke-Schpiilzyg simmer au kulinaarisch und gsellig voll uff d Keschte koo.
|