Ummeblettere |
Gumbb zeerscht in e Joor! |
|
Wie allewyl hänn d Dybli zwai Mannschafte gstellt: D Samba Dybli in dr Schutter-Kategoryy und d Uff dr Märtplatz-Schisser bi de Gmischte.
D Samba Dybli sinn erwaartigsgmäss nit iiber die eerschti Rundi uuse koo, in dääre Kategoryy het s halt vyyli, wo s dien äärnschter nää als mir. Aber unseri gmischti Mannschaft het dismool richtig abgruumt. D Vorrundi hämmer souverän iiberstande (s Goolverhältnis isch no vyyle Joor ändlig emool ze unsere Gunschte gstande), d Zwischerundi hämmer "dominiert" (dr Dominik het in letschter Sekunde mit eme Brachts-Schuss dr Sagg zue gmacht) und eerscht im Halbfinal simmer denn gnapp gschytteret. Dr glai Final um dr dritti Blatz hämmer laider im Penalty-Schiesse au verloore. Aber drotzdäm: So wyt simmer no nie koo! Gratulation!
Fir s näggscht Joor bruuche mer glaar neyi Lyybli und sicher au e neye Namme fir unseri gmischti Mannschaft. Dr bishäärig het mee als e baar Lyt verwirrt, fascht hät no die falschi Glygge d Loorbeere-n-yygsaggt ;-).
|