letschti Änderig: 2014-05-30 22:57:13 +0200
Home   

Vo vergangene Zytte

Linie
AGGDUELL KALÄNDER KONTAGGD ZYTTIG ARCHYYV MITMACHE
Linie
STAMM JUNGI GARDE SCHWELGER ALTI GARDE KÄLLER MITGLIIDER
Linie

 Ans Ändi
     

E Bindel Basler Dybli Fasnachts-Zeedel

Iiberbligg
Status
 
Ummeblettere
Gumbb zeerscht in e Joor!
 
Gumbb in s Joor ...
2014   2013   2012
2011   2010   2009
2008   2007   2006
2005   2004   2003
2002   2001   2000
1999   1998   1997
1996   1995   1994
1993   1992   1991
1990   1989   1988
1987   1986   1985
1984   1983   1982
1981   1980   1979
1978   1977   1976
1975   1974   1973
1972   1971   1970
1969   1968   1967
1966   1965   1964

Basler Dybli Stamm – Fasnacht 2003

Miir steen driiber

Duesch Basels Laag in Meeter mässe
isch d'Heechi, daas sottsch nit vergässe
mee dief und d'Landschaft flach und eebe
derfyr dien d'Lyt uff Wullge schweebe
wäär gmaint het, ass miir uussdraumt haige
dämm dien miir jetzt der Maischter zaige
Miir hänn jo au – doo simmer Gwiss
die Fasnacht mit em maischte Biss
drum duet statt sich scheniert z'verstegge
jetz Basel sich zem Himmel stregge
wird ussgnutzt jeedi Gläägehait:
aadje Dramp in Bschaidehait

Find't ain, das syg doch halb so wild
und kunnt, fir sich en-aige Bild
z'mache, unsri Stadt ko bschaue
fallt als erschts uff, doo wird baue
doo git's kai Rappespalterey
derfir dr Mässedurm – der ney –
soo hooch, wyt z'gsee, vo jedem Egge
(so guet, wie me d'Chemie kaa schmegge)
so ganz uus Glaas, – abgändig läär
wie d'Dalbefääri: defizitäär
doo wird kai Gschyss gmacht um dr Bolle
Basel het e neyi Rolle
syg's au in Wirtschaft oder Sport
miir hänn by allem s'letschte Wort
doo kenne d'Zircher lang brobiere
z'verschwyyge, ass miir dominiere
miir hänn is d'Vormachts-Stellig gnoo
bis wyt in d'Dreyland-Regio
will mer generees vergänn
was mer sälber iiber hänn:
Dien d'Kunscht no Lörrach exportiere,
derfir dr Subkultur hoffiere,
die farbigschti Kasärne pflääge,
d'Aawohner sin do zwor drgääge,
(sy hätte's lieber still am Rhy)
s'Kulturfloss miesst au lyser sy
nur im Joggeli gheert me's gäärn
(Schutte macht halt aifach Lärm)
denn unsre liebe FCBee
kasch ändlig wiider gwinne gseh
s'nutzt nyt me, sich dergeege z'wehre
es isch verby mit dr Miseere!
S'stoht alles unter Basler Fiehrig
ussgnoo isch – zem Gligg – d Regierig
die schaffe kuum e graade Satz
mir glaube tschuld doo dra isch d BaZ
die bhaupte zwor s'syg (das Abschiffe)
drum, will d'Lyt statt z'Wähle kiffe
und d Hanflääde gschnäller spriesse
ass si d Schugger kenne schliesse
glych kunnt bi jeedere Razzia
ganz gwiss au e Hanf-Frind draa

Vom Birsig- bis ins Leymedaal, vo Aesch bis St. Louis
D Schmier fahrt glych wie d'BVB und fangt no Raiber y
Färner schwyge mer diskret
was me sunscht no alles gseht
Nur ains no wämmer, ass me 's gheert
und ass es joo au kaine steert
glych eb e Tirrg e Goal duet schiesse
oder Duu sy Kebab gniesse
miir integriere d Lyt ins Land
(das gsehsch an jeedem Schnäll-Äss-Stand)
egal eb Yusuf oder Seppi
isch, wär kaa driiber stoh: e Bebbi!
D Ladärne-Usstellig isch wie allewyl uff em Minschterplatz.
Ney ka me d Wäge und au d Requisite bi dr Kasärne gsee

Au unsre Käller isch der Bescht
Mir fraje-n-is uff Eych als Gescht
(Egge Stiftsgass-Noodlebärg)
 An Aafang

(C) 2002-2014 Basler Dybli Glygge