letschti Änderig: 2014-05-30 22:57:14 +0200
Home   

Vo vergangene Zytte

Linie
AGGDUELL KALÄNDER KONTAGGD ZYTTIG ARCHYYV MITMACHE
Linie
STAMM JUNGI GARDE SCHWELGER ALTI GARDE KÄLLER MITGLIIDER
Linie

 Ans Ändi
     

E Bindel Basler Dybli Fasnachts-Zeedel

Iiberbligg
Status
 
Ummeblettere
Gumbb zeerscht in e Joor!
 
Gumbb in s Joor ...
2014   2013   2012
2011   2010   2009
2008   2007   2006
2005   2004   2003
2002   2001   2000
1999   1998   1997
1996   1995   1994
1993   1992   1991
1990   1989   1988
1987   1986   1985
1984   1983   1982
1981   1980   1979
1978   1977   1976
1975   1974   1973
1972   1971   1970
1969   1968   1967
1966   1965   1964

Basler Dybli Stamm – Fasnacht 1998

Mir bilde-n-is nyt me y

Mir Schwyzer hänns luschtig,
Mir Schwyzer hänns guet,
Hänn Kääs und hänn Angge,
Das git is guet Bluet,
Hänn Bärge-n-und Schoggi
Und s Gäld uff dr Bangg,
Und Kieh uff dr Bettwösch –
Jordi sei Dangg.

Dasch s Bild gsi vor kurzem vo uns in dr Wält
Und pletzlig hett s Fimf vor D'Amato gschällt!

Dert ääne-n-in Amerika
Zettlet dä Dyssi d'Jude-n-aa.
Uff aimol isch, was friehner rächt,
In dr Retrospektive schlächt.
D'Volggsverdrätter sin verwirrt
Und hilfloos ummenander g'irrt.
Dr Blocher sait: "So goht das nit!"
Dr Delamuraz woggt e Schritt
Und isch, in Waltig vo sym Amt,
In e Fettnapf ynedrampt
(Mir finde zwor: dä het e Maage!
Nur traue mer is das nit z'saage!).
Dr Christoph Meili, dä kunnt druus,
Wirft dr Aggte-Rettigsanker uus
Und iber Nacht, mit vyl Trara,
Isch är e Star in USA
Und wenn me loost, no deents efange,
As hätte mir dr Grieg aagfange.

E Fonds muess aane, aber dalli,
Das berueigt denn schliesslig alli.

"Was fallt denn dääne Jude-n-y",
Wirft do dr Sigi Feigel y.
Är maint, me sell mit dääne Bleede
Iiberhaupt kai Wort me reede.
Und die Hetzjagd geege d'Bangge
Bringt is au nit grooss in's Wangge.
E Frächhait syg das, und e Schand
Wie me umgoht mit däm Land,
Wo, wemme's objektiv betrachtet,
D'Menscherächt vorbildlig achtet.
Zem Gligg het är als Jud das gsait,
Was mängge mit sich ummedrait.

So langsam heert er uff, dr Gspass!
Grad soo schüürt me dr Fremdehass.

Unser Image, das het glitte.
‚s isch wohrhaftig unbestritte.
Me soll zue syne Fähler stoh.
Und Argumänt lo gälte loo.
Nit iber alli andre flueche
Und 's Iibel bi sym Noochber sueche.
Doch wird mit feyge Mittel grunge
Und gschwätzt mit ere gspalt'ne Zunge.
Uus Rachsucht, Sälbschtsucht, Greessewahn
In Ney York, Ängland, im Golan.

Isch es wirgglig esoo schlächt,
Wemme yystoht fir sy Rächt?

Jetzt hämmer gnueg vo däm Theater,
Sunscht bruueche mer no Psychiater!

Kai Psychiater bruuchts zem an d'Ladärne-Usstellig z'goh
Si isch wie allewyl vom Mäntig zoobe bis am Mittwuch uff
em Mintschterplatz.
 An Aafang

(C) 2002-2014 Basler Dybli Glygge