letschti Änderig: 2014-05-30 22:57:18 +0200
Home   

Vo vergangene Zytte

Linie
AGGDUELL KALÄNDER KONTAGGD ZYTTIG ARCHYYV MITMACHE
Linie
STAMM JUNGI GARDE SCHWELGER ALTI GARDE KÄLLER MITGLIIDER
Linie

 Ans Ändi
     

E Bindel Basler Dybli Fasnachts-Zeedel

Iiberbligg
Status
 
Ummeblettere
Gumbb zeerscht in e Joor!
 
Gumbb in s Joor ...
2014   2013   2012
2011   2010   2009
2008   2007   2006
2005   2004   2003
2002   2001   2000
1999   1998   1997
1996   1995   1994
1993   1992   1991
1990   1989   1988
1987   1986   1985
1984   1983   1982
1981   1980   1979
1978   1977   1976
1975   1974   1973
1972   1971   1970
1969   1968   1967
1966   1965   1964

Basler Dybli Jungi Garde – Fasnacht 1991

Mir hänn e Schlabbe zooge!

In de Ghettos vo de-n-Uh Es Aa
hett dr Hip-Hop-Kult sy Aafang gha.
Die Junge dräffe sich in Masse
uff de Stroosse, in de Gasse,
vergässse dert im groosse Ganze
d Sorge bi me wilde Danze.

Bis Basel isch die Mode ko
Jetzt sehsch se in dr Staine stoh,
die Junge mit de Jogger-Schlabbe,
Einhaitskluft und Dächlikappe.
Si wette denn am Samschtig-Zoobe
in d Disco sich go ummetobe.

Fir d Disco-Bsitzter isch Hip-Hop
aber laider meh e Flop.
Denn zue de poppig-bunte Schueh
gheere schwarzi Strich derzue.
D Danzflechi blybt so voller Strieme,
d Butzfrau duet das gar nit riehme.

Drum gits in Basel jetzt Lokal,
und das isch uns gar nit egal.
Willsch dert emol go danze go,
no leens di vor dr Dire stoh.
Wirsch zerscht no ganz genau beäugt,
eb die "Outfit" ebbis taugt!

Und em Gorilla an dr Kasse
duet denn no gar nit jede basse.
Yne losst er Modepüppli
In Stegglischueh und Minijüppli,
und au die in feyne Schaale,
derfe 's Ydrittsgäld grad zahle.

E Pönggergruppe mit farbige Hoor
darf ebefall yne dur's Ygangsdoor.
Dr Tom in Tschyyns darf dert go danze,
wie dr Sepp (mit eme Ranze)
und d Tina, wo erscht grad sibzäh isch,
sitzt au dinne ame Disch.

Nur bi uns gsehts ganz so uss,
als blybte mir do wirgglig duss.
Dr Wächter mit dr roote Kabbe
sait: "So nit - in däne Schlabbe!"
Me muess saage - s isch nit glooge:
Mir hänn ganz bees e Schlabbe zooge!

Jetzt stehn mir dusse vor dr Dir
und d Durnschueh sin dr Grund drfir.
Derby sin die, das isch nit ney,
dr allerletschti Modeschrey.
Doch als Troscht duet me uns lehre
Schlabbe ziehn au groossi Heere!

Zem Byspil in dr BRD
zer Wahl gstellt het sich d SPD.
Si hänn e groossi Schnure gwogt
und hänn mit allne Mittel zoggt.
Dr groos Erfolg - me muess nit frooge:
Hänn doch au die e Schlabbe zooge!

Gsehsch Misserfolg gits iberall
Nit nur in Basler Danzlokal.
Villicht gsehns d Disco-Bsitzer y,
denn wäre mir au mit derby.
No sin die Dire uns nit offe,
mir kenne numme wyter hoffe!

D Ladärne-Usstellig isch vom Mäntig znacht bis am
Mittwuch zmidaag uff em Minschterplatz. Me losst die
au in Durnschlabbe yne!
 An Aafang

(C) 2002-2014 Basler Dybli Glygge