letschti Änderig: 2014-05-30 22:57:20 +0200
Home   

Vo vergangene Zytte

Linie
AGGDUELL KALÄNDER KONTAGGD ZYTTIG ARCHYYV MITMACHE
Linie
STAMM JUNGI GARDE SCHWELGER ALTI GARDE KÄLLER MITGLIIDER
Linie

 Ans Ändi
     

E Bindel Basler Dybli Fasnachts-Zeedel

Iiberbligg
Status
 
Ummeblettere
Gumbb zeerscht in e Joor!
 
Gumbb in s Joor ...
2014   2013   2012
2011   2010   2009
2008   2007   2006
2005   2004   2003
2002   2001   2000
1999   1998   1997
1996   1995   1994
1993   1992   1991
1990   1989   1988
1987   1986   1985
1984   1983   1982
1981   1980   1979
1978   1977   1976
1975   1974   1973
1972   1971   1970
1969   1968   1967
1966   1965   1964

Basler Dybli Stamm – Fasnacht 1990

SchLULUraffia

Schlaraffia, dasch e Verain,
(es kennt en laider praktisch kain)
wo gärn dŽGselligkeit duet pflääge,
das kunnt is im Momänt grad gläge
und isch e Grund, die Allschlaraffe
us dr Neechi gnau z'begaffe.
Es git si uff dr ganze Wält,
si hän Humor, e Sagg voll Gäld
und vor allem ('s isch kai Hohn)
e Sinn für sturi Tradition.
Wenn me das so läse duet,
no findet me das sicher guet
und dänggt: "Das isch e luschtig Thema!"
Doch genau doo feen d'Problem aa!Ych sag eych ohni z'ibertrybe,
es isch e Saich e Zeedel z'schrybe,
wenn di d'Sujetkommission
- gnauer gsait isch's ai so Gloon -
ganz sälbverständlig duet vergässe
und drnoo - Ych find's vermässe -
frogt, eb d'Zeedel scho sin druggt.
Das macht mi denn no ganz verruggt!
Dru m hogg ych doo und fyhl mi bschisse,
ääne, dääne, disse, gschisse.
In dryssig Daag isch Morgestraich
Und stell dr vor, es wär e Saich,
mir miesste ohni Zeedel laufe,
ych wurd mr go-n-e Bilet kaufe
und iber Nacht, das wär glaub 's bescht
e Flugzyg näh no Budapescht.
Doch das wurd sich uff kai Fall lohne,
scho wäg de bleede Subventioone
wo's nätti Comité duet schitte,
schryb ych dä Zeedel - und zwor hitte!
(Langsam mergge's au die Dumme,
y bschiss mi gschiggt um's Thema umme!)

E Spion het mir verzellt,
är haigi sich zue däne gsellt
wo "Schlaraffe" sich dien nenne
und s'Fuessvolgg ebbe kum duet kenne.
All Wuche aimool, das isch glatt,
findet so-n-e "Sippig" statt,
wo me sich drifft und gsellig isch,
do redet me mitenand am Disch
nit iber Wirtschaft, Gschäft und Fraue.
Ihn haig's fascht us de Sogge ghaue,
wo sich die Junge und die Alte
hänn in Hochdytsch unterhalte.
Jetzt fallt em pletzlig ebbis uff,
die andere sin uff ihn ganz muff,
well är dr allerainzig isch,
wo ohni "Bixe" sitzt am Disch.
Langsam griegt är Angscht dä arm
Und es wird em kalt und warm
Wo-n-är bewusst realisiert
Was um ihn umme so passiert.
Aer gseht hängge an de Wänd
Uralti Folterinstrumänt
Und imm-n-Egge, 's isch zem Hyyle,
e baar usgstopfti, grossi Yyle.
Aer luegt in d'Runde vo Schlaraffe,
wo grimmig ihm in d'Auge gaffe.
Vis-à-vis doo sitzt e Babbe,
uff em Grind e Naarekabbe,
drunder struppig graui Hoor,
gfirchig gseht das us, 's isch wohr.

Us em Nyt stoht aine uff,
rysst verzerrt sy Schnure-n-uff
und foht dr Schiller aa zitiere.
Em Spion duet's imponiere
Wie-n-e komplett senile-n-Alte
Das alles ka im Hirni bhalte!
Wo dää het g'ändet mit sim Schmuu
Donneret's dreymool "LULU"!
(LULU! - wenn's mi nit dyscht duet haisse:
"Salli, danggscheen, bisch e-n-Aisse!")
's stoht aine-n-uff, duet ebbis singe,
e-n-andere foht e Reed aa schwinge
in ere Bütte, wie in mainz
(gell, Fasching isch halt ebbes feins!!)
's wird allewyl no vyl, vyl schlimmer,
die sin wie d'Schwoobe, numme dimmer.
Dä Spion dänggt: 's isch fatal
Naimedure no genial,
doch ebbis luusches muess es sy,
am Aend lauft no dr Strebel yy,
oder gar dr eric Wäber,
dä potenzielli Guggeglääber.
Jetzt ändlig weyht en aine-n-yy
Und expliziert em d'Hierarchie;
Vo Knappe wo ze Ritter wärde,
ass' iber duusig git uff Aerde,
underdailt in Sektione,
('s kunnt halt druff aa, wo si grad wohne).
Das Grooss-Rych-Royalischte Due
Haig mit de Nazi gar nyt z'due,
au wenn die dytschi Sprooch muesch kenne
um "Schlaraff" di derfe z'nenne.

All fimf Johr, das isch nid vyl,
trifft me sich zem e Konzil
und dasmool het (no lange Johre)
me Basel wiider userkoore,
dr Mittelpunggt vo däre Aerde
fir kurzi Stunde derfe z'wärde.
Uns het das ganze-n-imponiert,
mr händ e Liedli ygschtudiert
und sin mir Piccolo und Drummle
im groosse MUBA-Saal go bummle.
Es isch e glatte-n-Oobe gsi,
fir uns und sicher au fir si
und trotzdäm waiss, bi Gott, no kaine,
was die Schlaraffe wigglig maine

Het das ganze nit e bitz
Verlooregangene Fasnachtswitz?

Gang au an d'Ladärne-Usstellig uff em Minschterplatz
Si isch vom Mäntig zoobe bis am Mittwuch demorge
 An Aafang

(C) 2002-2014 Basler Dybli Glygge