| Ummeblettere |
| Gumbb zeerscht in e Joor! |
|
Basler Dybli Stamm – Fasnacht 1979
Um alles in dr Wält:
Kumm in d'Stadt – mit Gäld!
Draage Si: Pro Innerstadt!
D'Wärbefritze finde's glatt.
's gheert zem dolle Gschänggli-Bummel
's Billig-Dramm plus Päggli-Rummel,
Plastic-Gugge, Kääferfescht.
"Kumm in d'Stadt!" - die rainschti Pescht.
Kumm mit uns, das koscht Di nyt
Loss Di fiehre: Fasnachts-Zyt!
Bim Gieterbahnhof git's e Zoone
Wo Gloorematte-Schiggse throone.
E Dschingg kunnt znacht an Danzas-Schalter
Und sait: "Escusi!" zem Verwalter,
"Wott y magga dell'amore;
Un biglietto, per favore!"
E bitzli Reeperbahn-Paloma
Cafi Zwätschge Franck-Aroma
Dr liebi Knopf isch nimme-n-offe!
Die halbi Stadt isch zämmegloffe.
Laadehieter ohni Zwägg,
's Unbruuchbarschti isch ewägg.
Dorum käämt Tout Bâle go laufe
Wenn d'Regierig wäär z'verkaufe.
D'Kreditaastalt git uff Pischtoole
Kredit – doch muesch en sälber hoole
Fir Muusefrind und Biecherwirm
Git's uff em Rimbbisblatz vyl Gstirm
Mit Brambach, Suuf- und andere Ludi
Plus du Vanille-Crème – mir schwätzt 's Fuudi.
Es schliesst e dinni "Wundergugge"
Im Biecherkaschte d'Basler-Lugge.
D'Grubbe "Olte", lang und brait
Haig greedet zwar, doch gar nyt gsait
Kennsch kai Noote, kaasch nit spile
Stinggsch ebitz und duesch au schile
Hesch e Vogelschychi-Look
Oder glychsch im Donald Duck
Sing dä "Song of Horse and Saddle"
Und scho läbsch vom Stroosebäddel.
"Fritzli", frogt d'Luusdante, "loos,
Bisch ächt du dur d'Freye-Strooss?"
Er nahm den Lattenzaun ewägg.
Dahinter stand der Soodek-Drägg.
Ein Anblick grässlich und gemein,
Drum zog ihn der Senat auch ein.
Der Architekt jedoch entfloh
Ins "Hasebiehl" oder esoo.
Wenn no dr Morgestärn däät lääbe
Dää wurde em Diener aini glääbe
Der Männi sait: Es isch e Digge
Sovyl Stitz de Schwarze z'schigge.
Nai, ych blyb mir sälber trey:
's wird my Minschter-Chorschtuehl frey.
Mit Nääger machsch nit Buuselibuus:
Nai, de drittsch zer Kirche-n-uus!
Nit Africans, nit Suaheelisch
ME GYT NYT – das isch Evangeelisch
Isch e Hotel nimme gloffe
Und meh gschlosse gsi statt offe,
Het als allerletschti Stuefe
Me denn "Im Herr Brändli gruefe".
Ganz wie d'Handwärggbangg - y main:
"Sicher sein – Brandverein!"
's will in Padel-Krise-Staab
Dr Geisen-Plaitegaier-Raab
Si heere jetzt e ganze e Beese:
Het aine Mieh bim Wasserleese
Und drepflet, quasi pro rata,
Denn saisch vo däm, är haig Prostata.
Doch y reed doo, y waiss, 's deent gspunne,
Vom digg veryste Fasnachts-Brunne.
Ändlig isch, mir saage's offe,
Dää dummi Saich emool nimm gloffe
Am Radio haisst's e bitzli styff,
Die baar doo syge-n-iberryff.
Das haig Polype (merggsch's bim Schwätze),
Dää syg politisch by de Lätze.
Und wenn's au d'Heererschaft beduuri:
ESPRESSO syg kai Bambbeluuri.
Au d'Glääbersold, drotz Händeringe,
Muess iber d' Radio-Klinge springe
Im "Isaak" git's kai Wy, kai Bier.
Am elfi macht me zue. Dasch stier!
Lehn 's Anggebliemli d'Baiz dert laite,
Sunscht mache-n-Ihr jo doch nur Plaite.
Hätt au dää Spunte sälte-n-offe,
Wäär wenigschtens dr Wirt als bsoffe.
"'s isch draagisch", sait ain, wo-n-en kennt.
"Däm isch sy Bangg au aabebrennt."
E jeede Quack- und andere Salber
Wird Profässer ehrehalber.
Bachsch byschbylswys johry, johruus
Nur Läggerli im dito Huus,
Denn griegsch vom Baeriswyl, däm Zwärg,
Dr Doctor h.c. Spaalebärg.
Und bisch nyt Wärt sit eh und je
Wirsch Ingenieur-Chef BVB
D'Ladärne-Uusstellig findet in dr Muba-Halle 8 statt und zwor
am Zyschdig vom Nyni demorge bis am Elfi znacht und
am Mittwuch zuesetzlig vom Nyni bis am Elfi demorge.
|
| Summer-Quiz 2010 | | Antwort Nr. 4: | Richtig, sällmool sinn d Ladäärne no in dr Muba gstande, und zwoor in dr Halle ... | | Froog Nr. 5: | Weeles Faarzyg faart dr glai Urs an dr Dybliaade 1980? |
|
