| Ummeblettere |
| Gumbb zeerscht in e Joor! |
|
Basler Dybli Stamm – Fasnacht 1965
Chronischi und akuuti Basler Vichereye
Basler-Dag
Burgget, Afflerbach und Oeri
Und dr Circus-Ammann-Schnööri;
Bääre, wo dien Rollschueh laufe;
Faxe, wo si Feschtspil daufe;
Durner/Drummler-Catch und – luusig –
D'Schmir mit ihrer Guggemuusig;
Wyssi Tschäbber uff fimf Aier-
Kepf vo "Pfaue"-Dambourmajer.
Iberschrift vo däm Gefummel:
Voici-Glaibâle-Expo-Rummel.
WK noch dr Fasnacht
's wird e neye Kehruus botte
Fir die wo in WK sotte.
Fill dr Hooraff drumm mit Räbbli.
Bruuchsch kai Goschdym, gohsch als Läbbli.
Rieft dr Zugchef: "Saggodoh,
Vorwärts marsch!", wird 's Gässle koh.
D'Kompaniije, das sind d'Glygge,
Und mr sage's ohni Bygge,
Dass dr Stab vom Brigadier
Manöver macht wie's Comité.
Blaui Schuugger
Hesch emoole-n-e Balaari,
Denn macht d'Schmir kai Larifaari:
Gugge bloose - Gugge glääbe
Und kai Fahruuswys drnääbe.
Suuft dr Wäckerli scheen gytig,
Kunnt ins Loch är und in d'Zytig.
Aber zecht im Dientscht e Schuugger,
Wird statt ygsteggt, hol's dr Guugger,
Fir sy Gillere-n-und Schwänze
Är nur Schrooter an dr Gränze.
Jazz im Bättschopf
D'Blue-Cross-Band duet d'Peters fille
Grad als wär's e Bebop-Gnille.
In där' Gmaind, do twiste-n-alli
Bossa Nova, Halli Galli
Und si kaue Chewing-Gummi.
Rybed däne doch dr Bummi!
Sunscht heersch d'Schöllkopf-Glygge in der
Sunntigslehr fir unsri Kinder,
Und e Preedig – 's wird aim ibel –
Uus dr Vogel-Gryffe-Fibel.
dr Pfyffe-Gnuschdi
"Was, du flemmsch do Amschterdammer?
Alti, hau's und hol dr Hammer!
Was, du leschisch nonig d'Pfyffe?
Kumm, ich will dir d'Aier schlyffe!
Was, du wotsch mir Armloch sage?
Wart, ich nimm di grad am Grage!"
Dien dä Baizer und sy Mamme
Doch als Spundwand yneramme
In dr Santihans. Die Schneere
Wurde glatt dr Rhy verspeere.
d'Mensa
's dien Rauracher und Fagunze
Unsre Petersplatz verhunze.
as kenne PD und Profaxe
Wägem Suuffe kuum meh gaxe.
Gaudeamus Alma Mater,
Transit Gloria Alma Kater!
D'Bääse hän verdruggti Bluuse
Vom Campiere-n-und vom Schmuuse.
Hebel, muesch di nit entsetze:
D'Mensa griegt e Snäck-Bar jetze.
's Greessewähnli vom Schwyzerfähnli
Jede Kääs fischt mit sym Sibli
's Nazi Froog- und Antwortstibli.
's Roothuus heyg kai Schwyzerfahne.
Hängget doch e Märtbricht ane!
Root isch d'Farb vo unsrer Flagge
Und im -sten sy Bart und Bagge.
Und 's isch jo sy Dräggeley
Au e Gryz – wäm wär das ney.
Oder hängget, statt dr Fahne,
's Ruggdrittsgsuech vom Chaudet ane!
Am Zyschdig gohsch an d'Ladärne-n-Uusstellig in d'Kongrässhalle.
Si isch vo demorge-n-am nyni bis am elfi znacht offe.
|
|
