|
Am Samschtig, em 26. Hoornig 2005, faart s Basler Dybli Fasnachts-Drämmli. Deert kenne-n-alli Maitli und Buebe-n-emool uusbrobiere, wie scheen ass es isch, Drummelschleegel oder e Piccolo in de Händ z haa. S Fasnachts-Drämmli faart zwische ains und finfi zmidaag uff dr Streggi Heywoog - Badisch Baanhof. Haltestelle sinn am Barfi, am Märtblatz und am Clarablatz, e Rundi duurt eppe-n-e halb Stund. Nadyyrlig git s fir alli junge Faargescht au e Zvieri.
In dr Junge Garde vo de Basler Dybli kenne-n-alli Maitli und Buebe-n-ab acht Joor leere drummle-n-und pfyffe. Iebigsstunde sinn als am Mittwuch zwische säggs und siibe, bzw. siibe-n-und acht im Leonhardschuelhuus (Koolebärg) grad oberhalb vom Barfi.
Wär s Fasnachts-Drämmli verbasst het, bikunnt wytteri Informatione bim Obmaa
vo dr Junge Garde (Rolf Wichtermann [Achtung, hitte-n-isch es d Nadja Studer]) oder kunnt diräggt an s Yyschryybe-n-am 2. Meerz vom säggsi bis am nyyni in unsere Glyggekäller an dr Stiftsgass 9 bi dr Peterskiirche.
Und doo isch dr offizielli Faarblaan vom Fasnachts-Drämmli:
|
